Filastrocche - Cassola.info

Le filastrocche dei nonni

Seconda parte

Maria, Maria Giulia, alsa i oci al cieo, fa un salto, faghine un altro, fa a riverensa, fa a penitensa, cavete el capeo, daghe un baso a chi che te voi ti.	Careghete done che porta e Madone, che porta i angiooeti; schiti, schiti, schiti!
Ciri-biri-bo quanti corni ga sto bò?	Silensio perfeto el diavoeto se in leto, el tira el spagheto, el mostra el cueto!	Unera, dunera, tenera, quara, quareo, ciocheta, marteo, boton veronese, numero diese!
A, bi, ci, carasa tote a borsa e scampa casa.	Marco petoea va in caseta co tri boi e 'na vacheta, a vacheta no' voe tirare Marco petoea se mete a criare.	Chi va l' osto perde el posto. chi va in ostaria perde a partia. Chi va a Verona perde a poltrona.
Storia memoria Besega, Loria, Ramon, Poiana, salto de rana salto de pese caga in braghese. Salto un foso cato un oso, salto un prà trovo 'na vecia destirà. Impianto un corteo vien fora un oseo, impianto un cortein vien fora un mandarin.	Vò i 'na par 'na stradea morta cato 'na cavreta morta co' a pee me vestiso co' a carne me pasiso co' i oci fo do subioti co' e rece fo do sece col naso fo un vaso co' e gambe fo quatro stanghe. Vò de à del mare me toca trombetare vien fora el prete soto el me dà un scapeoto, vien fora el prete baerin el me dà 'na butilieta de vin. Vò a casa me fò a supa e a vecia baba cuca me a ga magnà tuta che a bruta bescia!	Ghe jera 'na volta Piero se volta, caie 'na sopa Piero se copa!
		Chi se morto? Piero porco! Chi se vvivo? Piero figo! Chi che baea? A cavaea! Come fasea? I-o, I-o.
		Cavra, cavreta che bruca l' erbeta che sale sul monte sul monte dela veta cavra, cavreta!
Din den don 'e campane de Ramon che le sona tanto forte che le buta sò le porte ma le porte se de fero volta a carta ghe se un pero un pero pien de piri volta a carta ghe se do sbiri do sbiri che suga a baea volta a carta ghe se 'na cavaea 'na cavaea col pulierin volta a carta ghe se San Martin San Martin vestio de roso volta a carta ghe se un poso un poso pien de aqua volta a carta ghe se 'na gata 'na gata co' i gatei volta a carta ghe se do putei do putei che fa ostaria volta a carta a se finia!	Din den don doman se festa se magna a minestra a minestra no' me piase se magna pan e brase a brase se masa nera se magna pan e pera a pera a se masa bianca se magna pan e panca a panca se masa dura se va in leto adiritura!	A go un mario che no'l me voe pì ben. El vien casa da lavorare no'l me dà pì a bonasera el se tira su un canton co' tanto de muson mi ghe digo: "Viento in leto?" e lu me fa un dispeto mi ghe digo: "Tirate in quà!" el se fa sempre pì in 'nà tuta a note lu el tontona e tute e cuerte lu el ga tirà tira de quà, tira de là soto el leto el se gà trovà "Presto presto moglie mia che mi sento morir!" mi ghe porto su un oveto soto i pai trentasie dì!
	Alla larga, alla stretta Pinocchio in bicicletta, o de quà o de là Pinocchio se ga rabaltà.
	Aliolé tamozéche taprofìta lusinghè tulilàn blen blu tulilàn blen blu
Quando che i brusa a striga el fumo, se el va a Ferara ciapa e ara, se el va a Furlan ciapa el sacheto e va a pan!	Uno no' se da dare do no' se da tore tre el se d' amore.	Pomo pero disi el vero chi se sta a sporcare so 'a porta del papà? vero lì vero là propri a mente questo qua!
Bruti viani de contadini i pasa el marciapie coe gaeose co'e broche, ton, ton no' i sa mia che me fradeo ga un puteo?	Questa se astoria del sior Intento che dura tanto tempo che mai no' a se desbriga: te a conte o te a diga? Questa se a storia dell' ocarea cusì longa e cusì bea col capeeto in fronte: te a conte sì o no?	Fa la nana puteo che deso vien to pare, el te porta el momon fa a nana me amor!
		(Dedicato ai miei nonni)